امریکی صدر نے سعودی ولی عہد سے آئندہ ہفتے ملاقات کی تصدیق کردی
امریکی صدر ڈونلڈ ٹرمپ نے سعودی ولی عہد سے آئندہ ہفتے ملاقات کی تصدیق کردی۔
ائیر فورس ون میں صحافیوں سے گفتگو کرتے ہوئے امریکی صدر ڈونلڈ ٹرمپ نے کہا کہ آئندہ ہفتے سعودی ولی عہد سے ہونے والی ملاقات صرف ملاقات نہیں بلکہ اس سے بڑھ کر ہوگی۔
صحافی نے سوال کیا کہ سعودی عرب کو ایف-35 طیارے فروخت کرنے کا فیصلہ کیا گیا ہے؟
جواب میں امریکی صدر نے کہا کہ سعودی عرب بہت سے طیارے خریدنا چاہتا ہے، سعودی عرب بڑی تعداد میں ایف-35 اور دیگر لڑاکا طیارے خریدنے کا خواہش مند ہے۔امریکا دنیا کے بہترین طیارے اور بہترین میزائل بناتا ہے۔