بھارت کی ریاست اڑیسہ کے ضلع بالاسور میں 2 مسافر اور ایک مال بردار ٹرین آپس میں ٹکراگییں، جس کے نتیجے میں 288 افراد ہلاک اور 900 سے زائد زخمی ہوگئے۔
کولکتہ سے چنائی جانے والی مسافر ٹرین کی 12 سے 15 بوگیاں اتر کر دوسرے ٹریک پر گریں جبکہ دوسرے ٹریک پر یسونت پور سے ہاوڑہ جانے والی مسافر ٹرین متاثرہ بوگیوں سے ٹکرائی۔
بھارتی میڈیا کے مطابق گزشتہ روز پیش آئے حادثے میں مرنے والوں کی تعداد میں مزید اضافہ بھی ہوسکتا ہے، جبکہ زخمیوں کا مختلف ہسپتالوں میں علاج جاری ہے اور حادثے کے مقام پر ریسکیو آپریشن اب بھی جاری ہے، وزیر ریلوے نے ٹرین حادثے کی تحقیقات کے لیے کمیٹی بنا دی ہے۔