ہنگو: ایف سی کے قلعے پر حملے میں 3 اہلکار شہید،17 زخمی
ہنگو کی تحصیل ٹل کے علاقے دو آبہ میں فیڈرل کانسٹیبلری (ایف سی) کے قلعے پر حملے میں 3 اہلکار شہید اور 17 زخمی ہو گئے۔
ایس پی آپریشنز اسد زبیر کے مطابق دوآبہ کے علاقے طورہ وڑی میں دہشت گردوں نے فیڈرل کانسٹیبلری قلعے پر حملہ کیا
پولیس حکام کے مطابق دہشت گردوں کے حملے میں فیڈرل کانسٹیبلری کے 3 جوان شہید اور 17 زخمی ہوئے، زخمی اہل کاروں کو دوآبہ اسپتال منتقل کر دیا گیا۔
ایس پی آپریشنز اسد زبیر کا بتانا ہے کہ پولیس اور ایف سی کی بھرپور جوابی کارروائی میں دہشت گرد فرار ہو گئے۔