خیبرپختونخوا میں ہیلی کاپٹرکریش، 5 افراد شہید
خیبرپختونخوا حکومت میں ہیلی کاپٹرکریش کرگیا جس کے نتیجے میں 5 افراد شہید ہوگئے۔
وزیراعلیٰ خیبرپختونخوا علی امین گنڈاپور نے تصدیق کرتے ہوئے بتایا کہ باجوڑ میں امدادی سامان لے جانے والا صوبائی حکومت کا ہیلی کاپٹر خراب موسم کے باعث کریش ہوا
وزیراعلیٰ خیبرپختونخوا نے بتایا کہ حادثے میں 2 پائلٹ سمیت عملے کے 5 افراد شہید ہوئے۔خراب موسم کے باعث ایم آئی 17ہیلی کاپٹر سے رابطہ منقطع ہوا تھا۔
ان کا کہنا تھا کہ علاقے میں فوری طور پر ٹیمیں بھیجنے کی ہدایات دی گئی ہیں اور کے پی حکومت کا دوسرا ہیلی کاپٹر ضلع بونیر میں ریسکیو کارروائیوں میں مصروف ہے۔