معرکہ حق کامیابی کی خوشی میں پوری قوم جشن منا رہی ہے:شرجیل انعام
شرجیل انعام میمن نے کہا کہ جشنِ آزادی کے سلسلے میں کل حیدرآباد میں شاندار اور تاریخی پروگرام منعقد ہوا۔ کامیاب انعقاد پر محکمہ ثقافت، عارف حبیب گروپ اور آرٹس کونسل کو مبارکباد پیش کرتے ہیں۔
سینئر صوبائی وزیر شرجیل انعام میمن کا کہنا تھا کہ یومِ آزادی کے سلسلے میں آج ایکسپو سینٹر کراچی میں پاکستان کا ایک بڑا مشاعرہ منعقد کیا جا رہا ہے، کل سکھر میں بھی حکومتِ سندھ کی جانب سے ایک تاریخی پروگرام منعقد کیا جائے گا۔
شرجیل انعام میمن نے کہا کہ حکومت سندھ کی جانب سے 13 اگست کو کراچی کے نیشنل اسٹیڈیم میں بھی جشنِ آزادی کا پروگرام ہوگا۔ پاکستانی قوم پہلی بار جشنِ آزادی کے سلسلے میں طویل المدتی جشن منا رہی ہے۔ معرکۂ حق میں پاکستانی مسلح افواج نے بھارت کو بدترین شکست دی۔معرکہ حق کامیابی کی خوشی میں آج پوری قوم اپنا جشن منا رہی ہے۔