وزیر دفاع خواجہ آصف کا بیوروکریسی کے متعلق اہم انکشاف
وزیر دفاع خواجہ آصف نے بیوروکریسی پر تنقید کرتے ہوئے کہا ہے کہ آدھے سے زیادہ بیورو کریٹ پرتگال میں شہریت لینے کی تیاری کررہے ہیں۔
سماجی رابطے کی سائٹ ایکس پر اپنے پیغام میں خواجہ آصف نے انکشاف کیا کہ بیورو کریسی میں شامل آدھے سے زیادہ لوگوں نے پرتگال میں نہ صرف پراپرٹی بنالی بلکہ اب وہ شہریت بھی لے رہے ہیں۔
وزیر دفاع خواجہ آصف نے کہا کہ یہ کوئی عام نہیں بلکہ نامی گرامی بیورو کریٹس ہیں۔ یہ مگر مچھ اربوں روپے کھا کے آرام سے ریٹائرمنٹ کی زندگی گزار رہیں۔
خواجہ آصف نے کہا کہ سابق وزیراعلیٰ پنجاب عثمان بزدار کا ایک قریب ترین بیوروکریٹ چار ارب بیٹیوں کی شادی پر صرف سلامی وصول کر چکا ہے اور آرام سے ریٹائرمنٹ کی زندگی گزار رہا ہے۔
وزیر دفاع خواجہ آصف نے کہا کہ سیاستدان تو ان کا بچا کچا کھاتے اور چولیں مارتے ہیں، اُن کیلیے نہ پلاٹ نہ غیر ملکی شہریت کیونکہ سیاست دانوں کو الیکشن لڑنا ہوتا ہے۔
سماجی رابطے کی سائٹ ایکس پر اپنے پیغام میں خواجہ آصف نے مزید لکھا کہ پاک سر زمین کو یہ بیوروکریسی پلید کر رہی ہے۔