پی ٹی آئی کے سینئر رہنماؤں کو 10، 10 سال قید کی سزا سنا دی گئی
انسداد دہشت گردی عدالت نے پی ٹی آئی کے سینئر رہنماؤں کو 10، 10 سال قید کی سزا سنا دی۔
9مئی سے متعلق کیس میں انسداد دہشت گردی عدالت نے پی ٹی آئی کے رکن صوبائی اسمبلی جنید افضل ساہی کو 3 سال قید کی سزا سنا دی۔
10-10سال سزا پانے والے ملزمان میں شبلی فراز، صاحبزادہ حامد رضا، عمر ایوب اور زرتاج گل بھی شامل ہیں، جب کہ کیس میں پی ٹی آئی رہنما فواد چوہدری، زین قریشی اور خیال کاسترو کو بری کردیا گیا ہے۔
عدالت نے تھانہ سول لائن میں درج 9 مئی کے مقدمے میں مجموعی طور پر108 ملزمان کے خلاف کیس کا فیصلہ سنایا ہے۔
سزا پانے والوں میں چوہدری محمد آصف، ایم این اے رائے حیدر خان، حبقوق گل، علی احمد، کنول شوزب، رائے حسن نواز، رائے مرتضیٰ اقبال، شکیل خان نیازی، عظیم اللہ خان، مہر محمد جاوید، شیخ راشد شفیق، فرح آغا، فرخندہ کوکب، محمد اشرف خان بھی سزا پانے والوں میں شامل ہیں۔
نسداد دہشتگردی عدالت فیصل آباد نے سانحہ 9 مئی کے تینوں مقدمات کا فیصلہ سنایا، مجموعی طور 284 ملزمان میں سے 196 کو سزا جب کہ 88 کو بری کردیا گیا۔