سندھ حکومت کا تعلیمی انقلاب، جامعات کے لئے 42 ارب بجٹ مختص

‏سندھ حکومت کا تعلیمی انقلاب، جامعات کے لئے ریکارڈ 42 ارب کا بجٹ اور نوجوانوں کے لئے ڈیجیٹل ٹریننگ پروگرامز کا آغاز کر دیا گیا۔حکومت سندھ نے پیپلز آئی ٹی پروگرام کا دوسرا مرحلہ شروع کر دیا، 1.4 ارب روپے کا بجٹ مختص کردیا ہے۔

اس حوالے سے شرجیل انعام میمن نے کہا کہ پیپلز انفارمیشن ٹیکنالوجی پروگرام (پی آئی ٹی پی) نوجوانوں کو ڈیجیٹل معیشت کا حصہ بنانے کے لیے ایک ماڈل پروگرام بن چکا ہے، پیپلز آئی ٹی پروگرام کے پہلے مرحلے کے تحت اب تک 13,565 طلبہ کو جدید آئی ٹی شعبوں میں تربیت دی گئی ہے۔بہترین کارکردگی کا مظاہرہ کرنے والے 300 طلبہ کو میرٹ اور شفاف عمل کے تحت گوگل کروم بکس اور لیپ ٹاپس فراہم کیے گئے ہیں۔

سینئر صوبائی وزیر شرجیل انعام میمن نے کہا کہ پی آئی ٹی پی کا دوسرا مرحلہ شروع کر دیا گیا ہے جس کے لیے 1.4 ارب روپے کا بجٹ مختص کیا گیا ہے،توسیعی مرحلے کے تحت 12 ہائی ڈیمانڈ آئی ٹی شعبوں میں 35,000 طلبہ کو جدید ترین تربیت دی جائے گی۔مالی سال 2025-26 میں سرکاری جامعات کیلئے ریکارڈ 42 ارب روپے مختص کئے، جو دیگر تمام صوبوں کے مقابلے میں سب سے زیادہ ہے۔ حکومت سندھ نے تعلیمی شعبے میں نئی تاریخ رقم کی ہے، نئی نسل کو جدید ٹیکنالوجی سے لیس کرنے کے لیے اقدامات کیے جا رہے ہیں

شرجیل انعام میمن نے کہا کہ این ای ڈی یونیورسٹی میں فوڈ انجینئرنگ ڈیپارٹمنٹ کی نئی عمارت 96.481 ملین روپے کی لاگت سے تعمیر کی گئی ہے،انٹرنیشنل بوائز ہاسٹل 67.11 ملین روپے کی لاگت سے مکمل کر کے طلبہ کے لیے کھول دیا گیا، منصوبے اعلیٰ تعلیمی انفراسٹرکچر کی بہتری کا منہ بولتا ثبوت ہیں،سندھ حکومت نوجوانوں کو تعلیمی مواقع فراہمی کے ساتھ انہیں عملی زندگی کے لیے بھی تیار کر رہی ہے تاکہ وہ ملکی معیشت میں مثبت کردار ادا کر سکیں۔حکومت سندھ کے اقدامات صوبے کی ترقی اور نوجوانوں کے روشن مستقبل کی ضمانت ہیں۔

اس پوسٹ پر تبصرہ کرنے کا مطلب ہے کہ آپ سروس کی شرائط سے اتفاق کرتے ہیں۔ یہ ایک تحریری معاہدہ ہے جو اس وقت واپس لیا جا سکتا ہے جب آپ اس ویب سائٹ کے کسی بھی حصے کے ساتھ بات چیت کرنے کے لیے اپنی رضامندی کا اظہار کرتے ہیں۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں