ترکیہ کے شہر استنبول میں اسلامی تعاون تنظیم (اوآئی سی) وزرائے خارجہ کا اجلاس جاری ہے۔
ایرانی وزیرخارجہ عباس عراقچی او آئی سی اجلاس میں شریک ہیں
اجلاس میں مختلف ممالک کے 40 سے زائد سفارت کار شرکت کررہے ہیں،اجلاس میں نائب وزیراعظم اسحاق ڈار پاکستان کی نمائندگی کررہے ہیں۔
او آئی سی کے اجلاس میں نائب وزیراعظم اسحاق ڈار اور ایرانی وزیر خارجہ عباس عراقچی کے ایک ساتھ بیٹھے ہیں۔
اجلاس میں ایران کی موجودہ صورت حال کا جائزہ لیا جارہا ہے، اجلاس میں اسحاق ڈار پاکستان کا مؤقف پیش کریں گے۔
او آئی سی اجلاس میں غزہ پر اسرائیلی حملوں اور ایران اسرائیل تنازع پر خصوصی سیشن ہوگا جب کہ ترک صدر اوآئی سی وزرائے خارجہ اجلاس سے خطاب کریں گے۔
استنبول میں اسلامی تعاون تنظیم کےاجلاس سےقبل ایرانی وزیرخارجہ عباس عراقچی کا کہنا تھا کہ اسرائیلی جارحیت کے خلاف اپنےدفاع کاحق ہے
ایرانی وزیرخارجہ عباس عراقچی کا کہنا تھا کہ اسرائیل نے15 جون کو ہونے والے مذاکرات سے 2 روز قبل ایران پر حملہ کیا، اسرائیلی حملے سے ظاہر ہےکہ وہ سفارتکاری کے خلاف ہے۔