امریکا ایسی جنگ میں مداخلت نہیں کرے گا جس میں کوئی فائدہ نہ ہو:امریکا

امریکا کے نائب صدر جے ڈی وینس نے امریکی ٹی وی کو انٹرویو دیتے ہوئے کہا ہے کہ  امریکا ایسی جنگ میں مداخلت نہیں کرے گا جس سے اس کا کوئی سروکار نہیں۔

امریکی نائب صدر نے کہا کہ بھارت نے حملہ کیا، پاکستان نے جواب دیا، دونوں ممالک کو ٹھنڈے دماغ سے سوچنا چاہیے۔

انہوں نے کہا کہ پاک بھارت جنگ ایٹمی جنگ نہیں بننی چاہیے، اگرایسا ہوا توبہت نقصان ہوگا۔

امریکی نائب صدر نے کہا کہ امریکا کو پاک بھارت تنازع پر تشویش ہے، پاک بھارت تنازع کو جلد حل ہونا چاہیے، فی الحال ایسا لگ نہیں رہا کہ پاک بھارت جنگ ایٹمی جنگ میں تبدیل ہو گی۔ ہم دونوں ممالک کی جنگ میں مداخلت نہیں کر سکتے۔امریکا سفارتکاری کا راستہ اختیار کرسکتا ہے۔