پہلگام واقعے کی تحقیقات یورپی اور پڑوسی ممالک سے کروالیں:خواجہ آصف

وزیر دفاع خواجہ آصف نے کہا  ہے کہ ہماری طرف سے آفر ہے کہ پہلگام  واقعے کی بالکل تحقیقات کرائیں  اور ان تحقیقات میں یورپی ممالک  اور پڑوسی ممالک کے لوگ شامل کر لیں۔

نجی ٹی وی کے پروگرام میں گفتگو  کرتے ہوئے وزیر دفاع خواجہ آصف  کہا کہ وزیر اعظم  شہباز شریف نے آفر کی ہے  کہ ہمیں کوئی اعتراض نہیں کہ انٹر نیشنل کمیونٹی پہلگام واقعے کی  تحقیقات کرے

انہوں نے کہا کہ بھارتی وزیر  اعظم نریندر مودی جو کہہ رہا ہے اس کی کریڈیبلٹی  کو  چیک کر یں جبکہ وزیر اعظم  کی تقریر جامع تھی۔وزیر اعظم  نے تمام تر چیزیں اپنی تقریر میں ایڈریس کی ہیں۔

وزیر دفاع کا کہنا تھا کہ ہماری طرف سے آفر ہے کہ بالکل تحقیقات کرائیں وزیر اعظم شہباز شریف  نے  بھی تحقیقات کرانے کی بات کی ہے۔

خواجہ آصف نے کہا کہ تحقیقات میں یورپی ممالک اور پڑوسی ممالک کے لوگ شامل کر لیں جبکہ سلامتی کونسل کے ممبر  ممالک کو اس  کے حل کے لیے دعوت دی جا سکتی ہے۔

وزیردفاع خواجہ آصف نے کہا کہ بھارت واحد ملک ہے  جس نے دہشت گردی کینیڈا اور امریکا تک ایکسپورٹ کی ہے۔کہ ہم  کسی بھی جارحیت کے لیے  بالکل تیار ہیں، ہم  100 نہیں بلکہ 200 فیصد تیار ہیں، لیکن اگر جارحیت ہوئی تو دفاع کرنا پڑے گا۔ ہم اپنے ملک کے ذرے ذرے کا دفاع کریں گے  اور اس کے لیے کسی بھی حد تک جانے کے لیے تیار ہیں۔