کراچی: وزیراعلیٰ سندھ سید مراد علی شاہ نے سالیانہ کارکردگی پیش کرتے ہوئے بتایا ہے کہ سندھ فلڈ ایمرجنسی بحالی پروجیکٹ (SFERP) کے تحت روزگار کی بحالی ممکن بنائی گئی، سیلاب سے متاثرہ افراد کیلئے کام کیلئے نقد معاونت پروگرام کافی مددگار ثابت ہوا۔
مراد علی شاہ نے کہا کہ فوری مالی امداد کے ذریعے متاثرین کی تعمیر نو کی بحالی ممکن بنائی گئی،سیلاب متاثرین کے بنیادی کاموں کیلئے براہ راست اجرت کو یقینی بنایا گیا،فائدہ اٹھانے والوں کو 17500 روپے کی یک وقتی اجرت دی گئی ہے۔
سید مراد علی شاہ نے کہا کہ سی ایف ڈبلیو اسکیمیں زیادہ سے زیادہ 25 دنوں میں مکمل کی گئیں،پی آئی یو نے ادائیگی کیلئے نیشنل بینک اور جاز کیش کے ساتھ ایم او یو پر دستخط کیے ہیں،
محکمہ صحت کی ایک سالہ کارکردگی
گمبٹ روبوٹک کیتھ لیب
روبوٹک کیتھ لیب کم سے کم قلبی طریقہ کار کے دوران روبوٹک ٹیکنالوجی کا استعمال کرتی ہے،جس سے ڈاکٹروں کو شیلڈ کنسول سے کام کرنے کی اجازت ملتی ہے۔
روبوٹک جوائنٹ ریپلیسمنٹ جوڑوں کی سرجریوں کیلئے روبوٹک ٹیکنالوجی کا استعمال کرتا ہے،
روبوٹک سے سرجن صحت مند بافتوں کو محفوظ رکھتے ہوئے بوسیدہ ہڈیوں اور کارٹلیج کو ہٹا سکتے ہیں،
این آئی سی وی ڈی اسٹروک انٹروینشن پروگرام :
این آئی سی وی ڈی اسٹروک انٹروینشن پروگرام پاکستان میں ایک بہترین اقدام ہے،
اس پروگرام سے فالج کے مریضوں کو جدید طریقہ کار کے ذریعے مفت علاج فراہم کیا جاتاہے،
ڈاؤ – لینئر ایکسلریٹر (لینک):
ایک لینئر ایکسلریٹر جسے عام طور پر "لینک” کہا جاتا ہے،
بنیادی طور پر طب میں ایکسرے یا الیکٹران بیم فراہم کرنے کیلئے استعمال کیا جاتا ہے
یہ لینئر مشین کینسر کے ٹیومر کو درست طریقے سے خاتمہ کرتا ہے،
کینسر کے علاج میں بیرونی بیم ریڈی ایشن تھراپی کیلئے سب سے عام آلہ ہے۔