وفاقی وزارت داخلہ نے کراچی اور لاہور میں ایک ایک پاسپورٹ آفس 24 گھنٹےکھلا رکھنےکا فیصلہ کیا ہے۔
وفاقی وزیر داخلہ محسن نقوی کاکہنا تھا کہ عوام کی سہولت کےلیے لاہور اور کراچی میں ایک ایک پاسپورٹ آفس 24گھنٹے کھلا رکھنے کا فیصلہ کیا گیا ہے۔
محسن نقوی کا کہنا تھا کہ 24 گھنٹے پاسپورٹ دفتر کھلا رہنے سے شہری کسی بھی وقت پاسپورٹ بنوا سکتے ہیں۔ یہ اقدام پاسپورٹ تک شہریوں کی فوری رسائی آسان بنانےکے لیےکیا جا رہا ہے۔
کراچی میں عوامی مرکز شارع فیصل پر قائم ریجنل پاسپورٹ آفس اور لاہور میں گارڈن ٹاؤن کا ریجنل پاسپورٹ آفس 24 گھنٹےکھلا رہےگا۔