لاس اینجلس میں منگل سے لگی تاریخ کی بدترین آگ پر اب تک قابو نہیں پایا جاسکا ہے۔
رپورٹس کے مطابق چھے دنوں سے لگی آگ میں24افراد ہلاک اور سیکڑوں زخمی ہوگئے ہیں جبکہ 13 افراد تاحال لاپتا ہیں
12ہزار سے زائد مکان اور عمارتیں راکھ کا ڈھیر بن گئیں ہیں جبکہ 2 لاکھ سے زائد افراد نقل مکانی پر مجبور ہوگئے ہیں۔
رپورٹس کے مطابق 12 ہزار سے زائد فائر فائٹرز، ساڑھے 1100 فائر انجن، 60 طیارے اور 143 واٹر ٹینکر آگ بجھانے کی کوششوں میں مصروف ہیں۔
امریکی میڈیا کے مطابق لاس اینجلس کے جنگلات میں مختلف مقامات پر آگ کے بگولے جنہیں ’فائر ٹورنیڈو‘ یا ’فائروِہرل‘ کہا جاتا ہے نظر آئے ہیں جوکہ راکھ اور آگ سے ملکر بنتے ہیں۔