تہران: غیر ملکی میڈیا کے مطابق ایرانی صدر ابراہیم رئیسی کو لے جانے والا ہیلی کاپٹر ہنگامی لینڈنگ کے بعد لاپتہ ہوگیا۔
ایرانی وزیر داخلہ احمد واحدی کا کہنا ہےکہ ایران کے مشرقی آذربائیجان صوبے جولفہ کے قریب سرچ آپریشن جاری ہے،موسم خراب ہونے کے باعث سرچ آپریشن میں مشکلات کا سامنا ہے۔
احمد واحدی کا کہنا تھا کہ موسم کی خرابی کی وجہ سے ایک ہیلی کاپٹر نے ہارڈ لینڈنگ کی، ہیلی کاپٹر تک پہنچنے میں کچھ وقت لگ سکتا ہے، صدرکے ساتھیوں کے ساتھ رابطے میں ہیں لیکن کچھ مواصلاتی مشکلات ہیں۔
ایرانی صدر ابراہیم رئیسی ایران اور آزربائیجان کے سرحدی علاقے میں ایک ڈیم کا افتتاح کرکے واپس آرہے تھے، ہیلی کاپٹر میں ان کے ہمرہ سینیئر حکام بھی سوار تھے۔