چیئرمین منگھوپیر ٹاؤن نے ملا حسین بروہی گوٹھ کے رہائشیوں کی شکایات کا نوٹس لے لیا، مسائل حل کرنے کی ہدایت
کراچی: چیئرمین منگھوپیرٹاؤن کا ملا حسین بروہی گوٹھ کا دورہ کیا، جہاں سیوریج کے دیرینہ اور سنگین مسائل نے اہلِ علاقہ کی روزمرہ زندگی کو شدید متاثر کر رکھا تھا۔ گلیوں میں جمع گندا پانی، بند نکاسیٔ آب کا نظام اور تعفن زدہ ماحول شہریوں کے لیے مسلسل اذیت کا باعث بن چکا تھا۔
کراچی: منگھوپیر ٹاؤن کے چیئرمین حاجی نواز علی بروہی نے ایک بار پھر متحرک اور ذمہ دار قیادت کا عملی مظاہرہ کرتے ہوئے یونین کونسل 13، ملا حسین بروہی گوٹھ کا دورہ کیا، جہاں سیوریج کے دیرینہ اور سنگین مسائل نے اہلِ علاقہ کی روزمرہ زندگی کو شدید متاثر کر رکھا تھا۔ گلیوں میں جمع گندا پانی، بند نکاسیٔ آب کا نظام اور تعفن زدہ ماحول شہریوں کے لیے مسلسل اذیت کا باعث بن چکا تھا۔
اہلِ علاقہ کی جانب سے موصول ہونے والی شکایات کو سنجیدگی سے لیتے ہوئے چیئرمین حاجی نواز علی بروہی نے فوری نوٹس لیا اور بغیر کسی تاخیر کے خود موقع پر پہنچ کر صورتحال کا تفصیلی جائزہ لیا۔ انہوں نے نہ صرف مسائل کو قریب سے دیکھا بلکہ شہریوں کی بات کو تحمل اور توجہ کے ساتھ سنا، جس سے عوامی اعتماد میں واضح اضافہ دیکھنے میں آیا۔
چیئرمین حاجی نواز علی بروہی کی موقع پر موجودگی نے متعلقہ عملے کو فوری طور پر متحرک کر دیا، اور ان کی براہِ راست نگرانی میں سیوریج لائنوں کی صفائی اور بحالی کا کام باقاعدہ طور پر شروع کر دیا گیا۔ بھاری مشینری کو استعمال میں لاتے ہوئے بند لائنوں کو کھولا گیا، پانی کے بہاؤ کو بحال کیا گیا اور نکاسیٔ آب کے نظام کو فعال بنانے کے لیے ہنگامی بنیادوں پر اقدامات کیے گئے، تاکہ علاقے کو فوری ریلیف فراہم کیا جا سکے۔
اس موقع پر چیئرمین حاجی نواز علی بروہی نے اپنے واضح اور دوٹوک مؤقف کا اظہار کرتے ہوئے کہا:
“عوام کے مسائل ہمارے لیے محض شکایات نہیں بلکہ ایک امانت اور ذمہ داری ہیں۔ ہم صرف دفتری کارروائیوں تک محدود نہیں بلکہ ہر اس مقام پر خود موجود ہوتے ہیں جہاں عوام کو تکلیف کا سامنا ہو۔ سیوریج جیسے بنیادی مسئلے میں کسی بھی قسم کی غفلت یا تاخیر ناقابلِ قبول ہے۔ ہماری اولین ترجیح یہ ہے کہ جاری کام کو جلد از جلد مکمل کر کے عوام کو مستقل اور پائیدار ریلیف فراہم کیا جائے۔”
انہوں نے مزید کہا کہ منگھوپیر ٹاؤن کی تمام یوسیز میں جاری ترقیاتی و مرمتی کاموں کی مسلسل نگرانی کی جا رہی ہے، اور ایک جامع حکمتِ عملی کے تحت مسائل کو عارضی نہیں بلکہ مستقل بنیادوں پر حل کیا جا رہا ہے، تاکہ شہریوں کو صاف ستھرا، محفوظ اور بہتر ماحول میسر آ سکے۔
اہلِ علاقہ نے چیئرمین کے فوری اقدام، ذاتی دلچسپی اور موقع پر موجودگی کو بے حد سراہا اور اطمینان کا اظہار کیا کہ ان کی آواز نہ صرف سنی گئی بلکہ اس پر فوری اور مؤثر عمل بھی کیا گیا۔
شہریوں کا کہنا تھا کہ اس طرزِ قیادت سے نہ صرف مسائل کا حل ممکن ہوتا ہے بلکہ عوام اور انتظامیہ کے درمیان اعتماد اور تعلق بھی مضبوط ہوتا ہے۔
یہ دورہ اس امر کی واضح عکاسی کرتا ہے کہ منگھوپیر ٹاؤن میں قیادت محض احکامات جاری کرنے تک محدود نہیں بلکہ عملی میدان میں موجود رہ کر مسائل کا ادراک اور ان کا فوری حل یقینی بناتی ہے، جو ایک فعال، بااعتماد اور عوام دوست نظام کی بہترین مثال ہے۔