امن صرف خاموشی نہیں، عدل، برداشت اور مساوات کا نام ہے: گورنر سندھ
گورنر سندھ کامران خان ٹیسوری نے کہا ہے کہ دنیا کو نفرت نہیں، رواداری اور احترام کی ضرورت ہے۔پاکستان نے ہمیشہ امن، استحکام اور انصاف کی حمایت کی ہے۔
امن کے عالمی دن پر اپنے پیغام میں گورنر سندھ کامران خان ٹیسوری نے کہا کہ عالمی یومِ امن ہمیں انسانیت، ہم آہنگی اور بھائی چارے کا سبق دیتا ہے۔قوم کو اختلافات سے بالاتر ہو کر امن و اتحاد کے لیے کام کرنا ہوگا۔بین الاقوامی سطح پر پاکستان کا کردار امن کے فروغ میں مثبت اور متوازن رہا ہے۔