وزیراعلیٰ سندھ سید مراد علی شاہ نے اقوام متحدہ کے پبلک سروس ڈے پر سرکاری ملازمین کو خراجِ تحسین کرتے ہوئے کہا ہے کہ سرکاری اداروں کی خدمات عوامی فلاح کی ضامن ہیں،عوامی خدمت کرنے والے افسران ہمارا قیمتی اثاثہ ہیں۔
اپنے جاری پیغام میں وزیراعلیٰ سندھ سید مراد علی شاہ نے کہا کہ دیانت، محنت اور خدمت ہمارا شعار ہونا چاہیے۔گڈ گورننس اور شفافیت ہی پبلک سروس کی بنیاد ہے۔
سید مراد علی شاہ کا کہنا تھا کہ سندھ حکومت عوامی خدمات کے منصوبوں میں تسلسل سے کام کر رہی ہے۔ملازمین کو سرکاری دفاتر میں عوامی خدمات کو اولین ترجیح دینے کی ہدایت بھی کی۔
وزیراعلیٰ سندھ سید مراد علی شاہ نے کہا کہ وزیراعلیٰ سندھ نے بہترین کارکردگی کے حامل سرکاری ملازمین کو سراہتے ہوئے کہا کہ پبلک سروس ڈے عوام کو بہترین خدمات فراہم کرنے کے عزم کی تجدید کا دن ہے، سرکاری ملازمین عوامی توقعات پر پورا اترنے کے لیے بھرپور محنت کریں۔