وفاقی وزیر اطلاعات و نشریات عطا تارڑ نے کہا ہے کہ پاکستانی قوم نے اپنی افواج کے پیچھے کھڑے ہو کر جواں مردی، ہمت، حوصلہ اور جرات کا پیغام دیا ہے جس پر پوری قوم کو سلام پیش کرتے ہیں۔
نجی ٹی وی سے گفتگو میں عطا تارڑ نے کہا کہ جیسے سلمان غنی کے طویل تجربے اور پاکستان کے میڈیا، اینکرز اور جرنلسٹس کے کردار کو تاریخ میں سنہرے لفظوں میں لکھا جائے گا۔ جب دشمن نے رات کی تاریکی میں قوم کو للکارا، تو پوری قوم جرات کے ساتھ کھڑی ہو گئی اور دشمن کو جواب دیا جس سے دشمن اب اپنے نقصان کا حساب لگا رہا ہے اور رو رہا ہے۔