کورنگی ٹاؤن میں کر کٹ ٹورنامنٹ کا فائنل،نثار کھوڑو اور نجمی عالم کی شرکت

کراچی: شہید محترمہ بینظیر بھٹو کر کٹ گراؤنڈ کورنگی نمبر 3  میں بینظیر بھٹو رمضان کر کٹ ٹورنامنٹ کے سلسلے میں آج ٹورنامنٹ کا فائنل ایٹون کرکٹ الیون اور ایم ایس کر کٹ کلب کے مابین کھیلا گیا ا جس کے مہمان صدر پیپلز پارٹی سندھ نثار کھوڑو نے بحیثیت مہمان خصوصی شرکت کی

انہوں نے کہا کہ کورنگی میں ٹیلنٹ کی کمی نہیں ہے اگر ان کو مکمل سپورٹ کیا جائے تو یہ پوری دنیا میں پاکستان کا نام روشن کرینگے آج یہاں اس شاندار کرکٹ ٹورنامنٹ کی تقریب میں آپ سب کے ساتھ کھڑے ہونا میرے لیے باعثِ فخر ہے۔ کراچی، جو روشنیوں کا شہر ہے، وہ کرکٹ کے جنون کا شہر بھی ہے۔ یہاں کی گلیوں، میدانوں اور کوچوں میں آپ کو ہر وقت کرکٹ کھیلتے نوجوان نظر آئیں گے، جن کی آنکھوں میں بڑے خواب اور دل میں شکست سے نہ ڈرنے کا جذبہ موجود ہوتا ہے

اس موقع پر مشیر براۓ وزیر اعلی سندھ نجمی عالم نے اپنے خطاب میں کہا کہ یہی کھیل ہمیں اتحاد، محنت، اور ٹیم ورک سکھاتا ہے، اور یہی اصول زندگی میں کامیابی کی کنجی بھی ہیں۔ پاکستان کرکٹ کی تاریخ اٹھا کر دیکھیں تو بڑے بڑے نام، جنہوں نے عالمی سطح پر ملک کا نام روشن کیا، ان میں سے کئی اسی کراچی کی گلیوں اور میدانوں سے نکلے ہیں۔ آج آپ سب وہی سفر شروع کر رہے ہیں، جو آپ کو ان بلندیوں تک لے جا سکتا ہے، بشرطیکہ آپ محنت، ایمانداری اور لگن کو اپنا اصول بنائیں۔انہون نے کھلاڑیوں کی مکمل سپورٹ کا اعلان بھی کیا

چئیرمین کورنگی ٹاون محمد نعیم شیخ نے خطاب کرتے ہوۓ  کہا کہ یہ ٹورنامنٹ صرف ایک کھیل نہیں،بلکہ ایک موقع ہےاپنی صلاحیتیں دکھانے کا، کچھ نیا سیکھنے کا، اور وہ سب سے بڑھ کر، اس جنون کو زندہ رکھنے کا جو ہمیں ایک کامیاب قوم بننے کی راہ دکھاتا ہے۔ میں امید کرتا ہوں کہ آپ سب جذبے، جوش اور اسپورٹس مین اسپرٹ کے ساتھ کھیلیں گے اور ثابت کریں گے کہ کراچی کے نوجوان واقعی کسی سے کم نہیں آخر میں، میں تمام منتظمین، کھلاڑیوں، اور سپورٹرز کو مبارکباد دیتا ہوں اور دعا کرتا ہوں کہ یہ ایونٹ کامیابی سے ہمکنار ہوا۔ آئیں، کھیل کے میدانوں کو آباد کریں، اپنی صلاحیتوں کو نکھاریں، اور پاکستان کے لیے ایک روشن مستقبل کی راہ ہموار کریں

اس موقع پر  صدر ضلع کورنگی جانی میمن، ممبر صوبائ اسمبلی فاروق اعوان، میونسپل کمشنر کورنگی غلام فرید،اپوزیشن لیڈر محمد ہارون، کوآرڈینیٹر کورنگی سر معیز الدین ،پیپلز یوتھ پی ایس 95 کے صدر وقار لودھی کورنگی ٹاون کے یوسی چئیرمین وائس چئیر مین اور ٹی ایم سی کے افسران بھی موجود تھے