اسلام آباد:پاکستان کی جانب سے میانمار زلزلہ متاثرین کیلئے امدادی سامان کی پہلی کھیپ روانہ کر دی گئی۔
پاکستان کی جانب سے 35 ٹن امدادی سامان کی پہلی کھیپ اسلام آباد انٹرنیشنل ایئرپورٹ سے میانمار کیلئے روانہ کی گئی
امدادی سامان میں 565 خیمے، 210 ترپالیں، 2000 کمبل، 1 ٹن تیار کھانا،0.5 ٹن ادویات اور 10 واٹر ماڈیولز شامل ہیں۔
امدادی سامان کی روانگی تقریب میں وفاقی وزیر برائے پارلیمانی امور ڈاکٹر طارق فضل چودھری، این ڈی ایم اے ، وزارت خارجہ کے اہلکار اور میانمار کے سفیر نے شرکت کی۔
میانمار کے سفیر نے امدادی سامان کے اقدامات پر حکومت پاکستان اور پاکستانی عوام کا شکریہ ادا کیا۔