میڈیکل طالبہ کی پُراسرار خودکشی واقعے میں پیشرفت، کالج پرنسپل، ان کی اہلیہ سمیت 5 افراد کیخلاف مقدمہ درج
میرپورخاص میں میڈیکل طالبہ کی پُراسرار خودکشی کے واقعے میں اہم پیشرفت ہوگئی۔ کالج پرنسپل، ان کی اہلیہ سمیت 5 افراد کیخلاف مقدمہ درج کرلیا گیا۔
میڈیکل طالبہ کی پراسرار خودکشی کے مقدمے میں کالج پرنسپل تنویر عالم، ان کی اہلیہ پروفیسر فرزانہ سمیت 5 افراد کیخلاف مقدمہ درج کرلیا گیا، جس میں ہراسانی اور خودکشی پر مجبور کرنے کی دفعات شامل ہیں۔
پولیس کا کہنا ہے کہ مقدمے میں فارمیسی لیکچرر عابد لغاری اور 2 طالب علم بھی نامزد کیے گئے ہیں، مقدمہ متوفیہ طالبہ کے ماموں کی مدعیت میں درج کیا گیا ہے۔
مقدمے کے متن میں کہا گیا ہے کہ لیکچرر اور 2 طالب علم طالبہ کو بلیک میل کرتے تھے، معاملے پر کالج پرنسپل اور ان کی پروفیسر اہلیہ سے کئی بار شکایت کی گئی، تاہم انہوں نے کارروائی کے بجائے طالبہ پر شکایت واپس لینے کیلئے دباؤ ڈالا۔
رپورٹ کے مطابق متن کے مطابق پرنسپل اور ان کی پروفیسر اہلیہ نے شکایت واپس نہ لینے پر طالبہ کا داخلہ رد کرنے کی دھمکی دی اور ہراساں کیا۔