لاہور: پاکستان تحریک انصاف کے وائس چیئرمین شاہ محمود قریشی نے کہا ہے کہ نگراں وزیراعظم کی تقرری کے معاملے پر ہم سے کوئی مشاورت نہیں کی گئی۔
سینٹر اسٹیج میں گفتگو کرتے ہوئے شاہ محمود قریشی نے کہا کہ بروقت صاف و شفاف انتخابات کروانا نگراں وزیراعظم کی ذمہ داری ہے
شاہ محمود قریشی نے کہا کہ نگراں وزیراعظم کی تقرری میں ہمارا کوئی کردار نہیں تاہم انوار الحق کاکڑ پڑھے لکھے آدمی ہیں اور امید ہے کہ وہ آئین میں درج اپنے کردار کو سمجھیں گے۔پی ٹی آئی کیخلاف جاری پکڑ دھکڑ کے سلسلے کو بند کروائیں گے۔