گلگت بلتستان میں جیالا وزیراعلیٰ ہوگا: بلاول
پاکستان پیپلز پارٹی کے چیئرمین بلاول بھٹو زرداری نے کہا ہے کہ 7 جون کو جیالا وزیر اعلیٰ منتخب کرائیں گے۔
گلگت بلتستان میں عوامی اجتماع سے خطاب کرتے ہوئے انہوں نے کہا کہ 7 جون کو جیالا وزیر اعلیٰ منتخب کرائیں گے، آئندہ بجٹ میں بینیظر انکم سپورٹ کے فنڈز میں اضافہ کریں گے۔
بلاول بھٹو زرداری نے کہا کہ بھارت انڈس واٹر ٹریٹی کو دہشت گردی کے طور پر استعمال کر رہا ہے، پاکستان پہلی اسلامی ایٹمی طاقت ہے۔
بلاول بھٹو نے کہا کہ 18ویں ترمیم کے تحت گلگت بلتستان کو اس حق دلوائیں گے، وزیر اعظم سے درخواست ہے کہ جلد از جلد دیامر بھاشا ڈیم مکمل کیا جائے، وزیر اعظم دیامر ڈیم مکمل کرنے میں شہباز شریف اسپیڈ دکھائیں۔ملک کو مشکل حالات میں ہماری جماعت کی حکومت کی ضرورت ہے، گزشتہ الیکشن میں پیپلز پارٹی کو سب سے زیادہ ووٹ ملے۔کوئی تحفے میں پلیٹ میں رکھ کر حقوق نہیں دیتا، حقوق جد وجہد کرکے لینے پڑتے ہیں، ہم آپ کو آپ کے حقوق دلوائیں گے۔صدر زرداری سی پیک نہ لے کر آتے تو تم کہاں سے اورنج ٹرین چلاتے، غریب دشمن منشور رکھنے والی جماعتیں الیکشن مینیج کرنے کی کوشش کر رہی ہیں۔