وزیرِاعظم نے چینی کی زائد قیمتیں وصول کرنے والوں کے خلاف سخت کارروائی کی ہدایت کردی
وزیرِاعظم کی زیر صدارت چینی کے حوالے سے اجلاس ہوا جس میں حکام کی جانب سے انہیں بریفنگ دی گئی۔
وزیرِاعظم نے چینی معاہدےکی خلاف ورزی کرکے زائد قیمتیں وصول کرنے والوں کے خلاف سخت کارروائی کی ہدایت کی۔
حکام نے بتایاکہ چینی کی مصنوعی قلت پیدا کرنے والوں کےخلاف کارروائیاں جاری ہیں۔
وزیرِاعظم نے چینی کی ایکس مل قیمت 165 روپے اور ریٹیل 173 روپے پرسختی سے عملدرآمد کی ہدایت کرتے ہوئے کہا کہ معاہدےکی خلاف ورزی کرکے زائد قیمتیں وصول کرنے والوں کے خلاف سخت کارروائی کی جائے۔کسی کو بھی عوام کے معاشی استحصال کی ہرگز اجازت نہیں دیں گے۔