ایف پی سی سی آئی نے انکم ٹیکس ریٹرن کی آخری تاریخ میں 30 دن کی توسیع کی ہمایت کر دی
کراچی: عاطف اکرام شیخ، صدر ایف پی سی سی آئی، نے انکم ٹیکس گوشوارے جمع کرانے میں تکنیکی مشکلات اور تاخیر پر اپنے خدشات کا اظہار کیا ہے اور ایک خصوصی کیس کے طور پر 30 دن کی توسیع کی سفارش کی ہے تاکہ اس سال نظام کو بہت زیادہ حجم اور بہاؤ کو سنبھالنے کے قابل بنایا جا سکے۔
انہوں نے مزید کہا کہ فیڈرل بورڈ آف ریونیو (ایف بی آر) کے آن لائن سسٹم میں کچھ حدود اور نااہلیاں ہیں؛ نتیجتاً، ٹیکس جمع کرانے کا نظام عام آدمی کے لیے مشکل ہے۔ نظام کو تاخیر اور ڈاؤن ٹائم کم کرنے کے لیے ٹھیک کرنے کی ضرورت ہے۔
عاطف اکرام شیخ نے یاد دلایا کہ ایف پی سی سی آئی اعلیٰ ترین ادارہ ہونے کے ناطے ٹیکس کے نظام کو آسان بنانے کی مسلسل وکالت کرتا رہا ہے اور خاص طور پر اس عمل کو آسان بنانے کے لیے انکم ٹیکس ریٹرن فارم کو آسان بنایا جائے۔ یہ قومی مفاد اور معیشت کے مفاد میں ہے کہ زیادہ سے زیادہ شہریوں کی ریٹرن فائل کرنے میں مدد کی جائے۔ انہوں نے مزید کہا کہ پاکستان کی معیشت جتنی زیادہ جامع، رسمی اور دستاویزی ہوگی، اتنا ہی یہ بین الاقوامی مالیاتی اداروں اور قرض دہندگان سے بیرونی فنانسنگ کے لیے قابل قبول ہوگی۔
ایف پی سی سی آئی چیف نے کہا کہ ایف بی آر کو متعدد وجوہات کی بنا پر ڈیجیٹلائزیشن کو تیز کرنے کی ضرورت ہے: جن میں انسانی عمل دخل کو کم سے کم کرنا؛ ریٹرن فائلرز کے وقت اور وسائل کی بچت؛ دستاویزات کی غلطیوں میں کمی؛ نظامی اور طریقہ کار کی کارکردگی کو بہتر بنانا اور شکایات، بے ضابطگیوں اور تضادات کو کم کرنا شامل ہیں۔
عاطف اکرام شیخ نے کہا کہ ایف بی آر اور پاکستان ریونیو آٹومیشن لمیٹڈ نے ریٹرن فارم کے اجراء کے حوالے سے اہم آخری تاریخوں میں دیر کی – جیسا کہ قاعدہ 34A(2)(e)، (3) اور (4) میں دیا گیا ہے۔ ; جہاں، یہ لازمی ہے، کہ ڈرافٹ الیکٹرانک اور مینوئل ریٹرن فارمز کو 1 جنوری 2024 تک جاری اور دستیاب کرایا جانا تھا۔ تاہم، مذکورہ بالا فارمز 21 جون 2024 کو جاری کیے گئے تھے؛ جس میں پانچ ماہ سے زیادہ کی تاخیر ہوئی۔مزید یہ کہ، حتمی ریٹرن کے فارمز کو 31 جنوری 2024 تک مہیا کیا جانا چاہیے تھا؛ لیکن، وہ 4 جولائی 2024 کو جاری کیے گئے تھے؛ یعنی کہ، تقریباً چھ ماہ کے التوا کے ساتھ جاری ہوۓ۔ انصاف کا تقاضا ہے کہ اس امر پر غور کیا جانا چاہیے۔
صدر ایف پی سی سی آئی نے واضح کیا کہ تنخواہ دار طبقے نے پہلے ہی اپنے تمام ٹیکس ایڈوانس ادا کر دیے ہیں؛ جیسا کہ آجر اپنا انکم ٹیکس منبع پر کاٹتے ہیں۔ ایف بی آر کو اپنے نظام کو بین الاقوامی بہترین طریقوں سے ہم آہنگ کرنے کے لیے فیصلہ کن طور پر آگے بڑھنا چاہیے اور صرف عدم فراہم کردہ انفارمیشن کے مقاصد کے لیے ہی تنخواہ دار افراد کو پریشان کرنا چاہیے۔30 دن کی توسیع یا رعایتی مدت؛ جو کہ بغیر کسی جرمانے کے ہو؛ سال 2023 – 24 کے لیے انکم ٹیکس ریٹرن فائل کرنے کو بڑھانے میں کافی حد تک مدد دے سکتی ہے۔ انہوں نے مزید کہا کہ ٹیکس فائلرز کو درپیش جائز مسائل کو احترام کے ساتھ حل کیا جانا چاۂیے۔